Wo projekće

Jan Kilian mjez Texasom a Wukrančicami

wupućowarjo, Serbja a starolutheranojo

Jako farar, poet a wupućowar je Jan Kilian do stawizniskich knihow zašoł. We Łužicy kaž tež w Texasu je jako farar nowozałožene wosady zastarał. Wukrančicy su při tym wuchadźišćo swojeho skutkowanja we wuznawanskej lutherskej cyrkwi.

Nimo wuznama za wupućowanje do Texasa ma so wulki wukon transfera Jana Kiliana za serbske lutherstwo počesćić. Přez přełožowanje teologiskich twórbow a wozjewjenje agendow a spěwarskich w serbskej rěči bě wuměnjenje za zběrku lutherskich křesćanow w serbskim sydlenskim rumje stworjene.

Archiw

Dokumenty, kotrež běchu we Wukrančanskim gmejnskim archiwje wjele lět přetrali, běchu njedosahaceho składowanja rozpada dla wohrožene. Nimo Texasa Wendish Heritage Museum w Serbinje / Texasu stej cyrkwinski archiw SELK w Oberurselu kaž tež Serbski institut w Budyšinje poskićiłoj, dokumenty přewzać a zawěsćić.

Tola móžeše so w lěće 2017 z Kiliancowej stwu klimatizowany archiw na Wukrančanskej farje zarjadować. Zmóžnjene bu to ze srědkami prěnjeho projekta Leader (přetwar) a podpěru z Texasa a Bugenhagenskeho towarstwa (zarjadnišćo).

Digitalizaty

Tři zdźěla ze sobu zwjazane tradiciske postronki maja nětko swoje korjenje we Wukrančicach. Wotpowědnje maja předležace dokumenty wuznam za:

• starolutherske cyrkwinske stawizny
• serbska tradicija
• wupućowanje do Texasa

Dla rumnostneje distancy zwuraznichu wosebje potomnicy wupućowarjow swój zajim na digitalizaciji najwažnišeje archiwalije. Přez podpěru LEADER-spěchowanja móžeše so tute zmóžnić. Ze přiwzaćom do krajneho programa digitalizacije Swobodneho stata Sakskeje je nětko tež dołhodobne archiwowanje zaručene.

Tu je nětko móžno dohladować do:

• Cyrkwinske knihi a dušiny register wosadow Klětno a Wukrančicy
• Agendy a wupowědźenske knihi za Božu słužbu
• rukopisne dokumenty, wopisma a listy časa

Sobudźěło: Potencial crowdsourcinga

Namakanje jednotliwych dokumentow bě dotal z wulkim časowym nałožowanjom zwjazane. Čitajomnosć w PDF-readeru woznamjenja hižo wulke wolóženje. Zo bychu so jednotliwe slědźerske wuslědki a wupłody čitanja powšitkownosći spřistupnili, resp. zo by so spěšniši přistup zmóžnił, móža so specielne přistupy rozdawać. Štóž chce, móže rady sobu dźěłać. Dwaj wobłukaj stejitej k dispoziciji:

• Zamołwjenje dokumentow
• Transskripcija rukopisow

spěchowanj|e

Leader

Wuwićowy program za wjesne kónčiny w Swobodnym staće Sakskej

LEADER (frz. Liaison entre actions de osveloppement de l 'économie rurale = zwjazanje mjez akcijemi k wuwiću wjesneho hospodarstwa) je zhromadna iniciatiwa Europskeje unije, z kotrejž so wot 1991 modelowje inowatiwne akcije we wjesnych kónčinach spěchuja.